منتدى شباب يلا نغير جنزور


 
الرئيسيةاليوميةس .و .جالأعضاءالمجموعاتالتسجيلدخول

شاطر | 
 

 الحملة القومية لمساعدة الغير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد سامى
شباب جنزور
شباب جنزور
avatar


مُساهمةموضوع: الحملة القومية لمساعدة الغير   الجمعة سبتمبر 02, 2011 2:32 pm

فكرة منقولة من احد المنتديات ارجوا منها اخذ ما امكن منة انة يتم فى جنزور على حد امكانيتنا ومواردنا

وممكن ناخد منها فكرة تانية خالص شبيها بيها ولاكن تكون دى هيا الى نبهتنا ليها






الحملة القومية لمساعدة الغير
منذ فترة ليست بطويلة شاهدت فيلم اجنبى اعجبنى جدا وتمنيت أن نستطيع تطبيق فكرته .. وهى فكرة بسيطة للغاية ولكن اثرها كبير جدا وإلا أنها تحتاج لضوابط لحماية الفكرة ورغم ذلك فهى رائعة حقا وإليكم الفكرة بالتفصيل وبعدها تعليق قصير عليها :
تبدأ الفكرة من أن تساعد ثلاث أشخاص -أى ثلاثة أشخاص - على أن تكون هذه المساعدة ، أى ما كان نوعها ، تغير حياته الى الافضل بشكل حاسم وكبير وتكون فاصلة لتغير توجهاته ، على أن تشترط أن هؤلاء الثلاثة الذين ساعدتهم عليهم مساعدة ثلاثة أشخاص آخرين بعد نجاحهم - لاحظ كل واحد منهم عليه مساعدة ثلاثة اشخاص بنفس الطريقة - ، وعلى أن يشترطوا هم أيضا على من يساعدونهم - كل واحد ممن ساعدوهم - أن يساعدوا بدورهم ثلاث أشخاص آخرين ... وهكذا ...


الفكرة بسيطة ولكن نتاجها ضخم للغاية حيث يكون محصلتها آلاف ممن تمت مساعدتهم فى اسابيع قليلة ومن الممكن ان تكون حملة كاملة يساعد بها الناس بعضهم البعض فى مشاركة جماعية شاملة تقضى على ثقافة الانانية التى باتت تنخر فى عظام المجتمع وتوشك ان تقضى عليه ، فصور التكافل الاجتماعى لدينا اصبحت تقتصر على موائد الرحمن فى رمضان والمساعدات فى المناسبات الدينية ، وهى لا بأس بها بالطبع ولكن ليست تلك هى المساعدات التى تفيد مجتمع وتقوم افراده ، المقصود بالمساعدة هنا هى مساعدة الشخص فى ان يغير نفسه كأن تحصل له على عمل ، أو تدفعه للتخلص من إدمانه شيئا ما يفسد عليه حياته ، او تخلصه من تهديد ما يعوق إرادته كقضايا او ما شابه ، او تدفعه لتعلم مهنة ما او دراسة ما تفيده ، وهكذا....
الفكرة عندما تكون فى صورة حملة ضخمة يتبناها اشخاص واعين بأهمية الفكرة وضرورة نشرها فى عالم اصبحت سياسة الانانية هى الاساس وسياسة الابتزاز وإعتبار ما حولنا مجرد اشخاص ضرورى الاستفادة منهم دون افادتهم هو امر هام للغاية اظنه يستحق الدراسة
ولكن يعيب على هذه الفكرة فقط انها بلا ضمانات ، فمن يضمن أن الثلاثة اشخاص الذين سوف اساعدهم سوف يقومون بدورهم نحو مساعدة ثلاثة آخرين لكل منهم ... وهذا هو عيب الفكرة الوحيد فقد اصبح وبكل اسف مسألة الوعد وضمير المتعهد بالمساعدة اللاحقة غير مضمون فى عصرنا هذا ولكن بالتأكيد سوف يتوصل احد القراء لآلية معينة او اسلوب ما يضمن به تلك النقيصة فى هذه الفكرة ، اتمنى بحث الفكرة والمشاركة بالرأى وأنا على اتم الاستعداد للمشاركة بالتنفيذ أى ما كان نوع المشاركة ومهما كلفتنى هذه المشاركة .
والله من وراء القصد






,ودى بعض الردود على الموضوع



السلام عليكم ورحمة الله وبركاته

بسم الله الرحمن الرحيم

نحب اولا نرحب بيك استاذ فهمى نديم .. واشكرك على مجهودك فى هذه الفكره الجميله
ونبدأ كلامى عن الفكره
وتسمحلى اقول
الله الله .. على الفكره .. فعلا فكره ممتازه جدا
الفكره هتكون مفيده جدا فعلا لو اتحققت وهتنمى شىء فعلا بدا ينتهى فى عصر كله بيقول يلا نفسى

وايضا بالنسبلنا كمصريين ممكن يكون من ضمن طرق نشرها
المصرى الجدع .. الخدوم .. الشهم .. الراجل .. وهكذا من هذه الالفاظ الجميله والمشجعه لاغلب الناس

لكن فى شىء
بالنسبه لتلت اشخاص نساعدهم هتكون شىء محدد
ايوه .. عارف حضرتك هتقول ايه .. قصدك هيكون زى تدريب فى البدايه .. لكن ردى المشكله اننا حددنا يعنى عطينا للعقل اقصى حد للاشخاص فكده هنبرمجه على حد معين .. لكن لو تلاحظ استاذ فهمى
انا الدين الاسلامى عمل نفس الموضوع لكن بطريقه مفتوحه
فعن عمر بن الخطاب أن رسول الله قال كلكم راعي وكلكم مسؤول عن رعيته فالامام راعي ومسؤول عن رعيته والمرأة في بيت زوجها راعية ومسؤولة عن رعيتها والخادم فى مال سيده راع ومسؤول عن رعيته

حقوق الراعي

ولكن لا يعطى حدود

ايضا الله سبحانه وتعالى يحاسب العبد المقصر فى حق اخيه والذى كان يستطيع ان يساعد اخيه او ينقله من معصيه الى طاعه ولكنه لم يفعل هذا

فاكيد كل ده شىء كويس جدا يدلل على الدين الاسلامى حريص على مساعده او المسانده

لكن نيجى نتكلم فى نقطه تانيه
وهى ايه اللى جعل الناس اللى محتاجين المسانده او المساعده ديه يوصلوا لكده ؟؟

فى سبابين

الاول تقصير من المسئول عن الاشخاص ديه .. زى رئيس دوله وزير غفير والد والده عم خال .. الخ
وبالتالى الاشخاص اللى بيكون مسئول عنها الناس ديه .. بضيعوا او بيضعفوا او ينحرفوا .. وبالتالى بيكونوا فى وضع انهم محتاجين مسانده او مساعده

السبب التانى الشخص ذات نفسه .. هو اللى بيكون مقصر من اتجاه نفسه .. مقصر فى علمه صحته ثقافته .. الخ
اكيد ده بيعود عليه بالسلب وممكن يكون فى وضع انه محتاج مسانده او مساعده

لحظوا كده لو عملنا بالحديث ؟؟؟

هتلاقوا ان الموضوع اتحل الرئيس بقى بيهتم بالناس اللى هو مسئول عنهم .. خلاص بقى الناس كويسين وكله تمام حتى لو ظهر اى شىء هتكون نسبته صغيره

اما فى الحاله التانيه .. الطبيعى لو قبل ما كل واحد يهتم باللى مسئول عنه هيحاول يكون هو كويس وناجح
حتى لو هو مكنتش ناجح او ناجح بنسبه كبيره .. وقعد ينصح الناس ويساعدهم .. هيحاول يبقى ناجح ويساعد نفسه ويتعظ .. وهيحاول يرجع لصوابه

احنا تقريبا كده فسرنا الاسباب للموضوع ده

نيجى نفكر تانى ازاى ننشر الفكره ديه بطريقه صحيحه؟؟؟

انا شايف اننا حددنا تلت اشخاص للمساعده فقط .. هتكون فيها ميزه وفيها عيب
الميزه : انها سهلت على الناس عدد صغير من الاشخاص للمساعده وده هيخلى الناس تتشجع اكتر
العيب : انها ممكن تسيب تاثير سلبى على بعض او اغلب الناس انهم كده ساعدوا تلت اشخاص وانتهت العمليه .. وكده عملنا اللى علينا والحمد لله .. لكن فى نفس الوقت دينا علمنا اننا نساعد بلا حدود بلا عدد محدد من الاشخاص

طيب ايه الحل فى النقطه ديه ؟؟؟

فى فكرتنين برده
الفكره الاولى
ممكن نعمل شىء بسيط جدااا
وهو نخليه زى ماهو تلت اشخاص على الاقل للمساعده .. لكن فى فترة زمنيه معينه وليكن اسبوع


يعنى هنقول .. تساعد اى تلت اشخاص خلال فى سبوع الواحد .. ديه فكره

الفكره التانيه
اننا نقول .. حمله مساعده بلا حدود ونفتح الفترة الزمنيه مش هنذكر لكن هنعلن عن بدا الحمله
مساعده بلا حدود ( فى كل وقت ) بلا حدود ( فى عدد الاشخاص )

تمام


فاضل ايه تانى ؟؟؟

فاضل اننا نبدا نفكر فيها اكتر بشكل افضل ونستقر على مشروع كامل

وبعد كده استاذ فهمى

نبدا ننفذها من خلال فريق عملنا فريق عمل مصر للجميع وخلال كل اسبوع او كل مساعده شخص كتابه تقرير فيه ووضعه فى قسم هنخصصه لكده والموضوع ده ممكن كمان يكون قسم دائما .. مش مؤقت يعنى علشان التجربه ديه وخلاص

لكن بالنسبلنا هنكون عاوزين نعمل زى تست او اختبار للفكره ونشوف النتائج بتاعتها خلال فترة معينه .. والاختبار هيكون بشكل مصغر على منتدى مصر للجميع وفريق عمله

اعتقد من خلال النتيجه اللى هتظهر معانا هنا
هنفهم اشياء اكتر وهنحاول نوصل الفكره للافضل حتى الوصول انها تنطلق من خلال حمله كبيره هيكون قبلها تنظيم جيد اكيد

شكرا استاذ فهمى بجد انا سعيد بيك جدا لانك حسستنى ان القسم ده موجود وان فى ناس بتفكر وهمها انها تعمل شىء مفيد بجد للناس اللى حوليها وبدات حضرتك فيه بشكل عملى عند وضعك هذه الفكره
فى هذا القسم اللى بتمنى يكون سبب ان مصر تكون افضل به

واتمنى اتعرف على حضرتك واكون تلميذ عندك
تحياتى للجميع وياريت نفكر ياجماعه ونبدا نخلى الشباب ده يفكر .. بمجرد وجود القسم وتنزيل فيه مواضيع وردود اكيد ده شىء مفيد احنا محتاجين ناس بيفكروا ومبتكرين ومبدعين مش ناس بينقلواااا

شكراا للجميع
والسلام عليكم ورحمة الله وبركاتة
شكراااااااا




والرد التانى



استاذ فهمى احيك على الفكرة هى صحيح مطروحة من سنتين

لكن انا شايفه انها ممكن تتنفذ فى اى وقت
ميزة الفكرة ان فيها توسع و تبادل يعنى زى ما سعدتك جه دورك علشان تساعد غيرك
انما سؤالى هل الشخص اللى حنساعده حيكون عنده استعداد يساعد غيره
بمعنى ان شخص محتاج مساعده جذريه لو انا ساعدته مش ممكن حساعده لغايه ما يكون عنده فائض انا حساعده لغايه ما يكون عنده اكتفاء ذاتى
و فى الوقت ده عليه انه يكمل بنفسه مشوارة هل هيكون عنده استعداد فى الوقت ده انه يساعد حد تانى
ما اعتقدش انه حيقدر فالموضوع عايز تنسيق اكتر اننا مش بس نساعد لا و كمان نتابع الشخص ده و فى الوقت اللى يكون عنده فائض ممكن نشرط عليه انه يساعد غيره
الحاجه التانيه ايه الضمان اللى حيخلى الراجل اللى ساعدته يساعد حد تانى
اظن كفايه اننا نساعده و بلاش نشطرط عليه لاننا مش ضامنين الحكايه و ده حيوفر الوقت مش حنحتاج نستنى لغايه ما يكون عنده فائض و كمان حنقدر نساعد غيره و غيره
شكرا مرة اخرى




وانا رائى اننا نبدا حسث انتهى الاخرون اى نبدا نفكر بعض ما نقرا كل التعليقات ونحاول نوصل لفكرة ممكن نطبقها عندنا فى البلد


واللة الموفق





الحرية لا يمكن أن تعطى على جرعات...... ...... ...... ...... ........فالمرء إما أن يكون حراً..أو .. لا يكون..!
نيلسون مانديلا

(ليست الأهداف ضرورية لتحفيزنا فحسب،.................... بل هي أساسية فعلاً لبقائنا على قيد الحياة )
(روبرت شولر)..


(الهروب هو السبب الوحيد في الفشل،........................ لذا فإنك تفشل طالما لم تتوقف عن المحاولة)


إن الـسـعــــادة تـكـمـــــن فـي مـتـعـــــــــــه الإنــجـــــــــاز ونـشـــــــــوه الـمـجـهـــود الـــمــبـــــدع
(روزفلت)..



. الــحــيـــــــــاة إمــــــــــــــا أن تــكــــــــــــون مــغــــــــامـــرة جــريـــئـــــــــة... أو لا شــــــــــــــيء
(هيلين كيلر)..


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحملة القومية لمساعدة الغير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب يلا نغير جنزور  :: اقتراحات شباب جنزور :: اقتراحات شباب جنزور-
انتقل الى: