منتدى شباب يلا نغير جنزور


 
الرئيسيةاليوميةس .و .جالأعضاءالمجموعاتالتسجيلدخول

شاطر | 
 

 جميع مستندات يلا نغير جنزور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MǍĥmỗud Ǎyad
Admin
avatar


مُساهمةموضوع: جميع مستندات يلا نغير جنزور   الجمعة سبتمبر 09, 2011 6:32 pm



بسم الله الرحمن الرحيم

ان شاء الله هنا هنجمع كل مستندات يلا نغير جنزور



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ganzoor.yoo7.com
MǍĥmỗud Ǎyad
Admin
avatar


مُساهمةموضوع: رد: جميع مستندات يلا نغير جنزور   الجمعة سبتمبر 09, 2011 6:33 pm

مشروع تنمية قرية جنزور بابنائها


بسم الله الرحمن الرحيم




Mohammad Sami‎

ان الله لا يغير ما بقوم حتى ان يغيرو ما بانفسهم

لابد من ان نغير انفسنا واسهل شى هو ان نغير افكارنا ان نكون ايجابيين
يا اساف

...

اسأل نفسك ما هو أسوأ شيء ممكن يحصل لي ؟ ما هو أفضل شيء ممكن يحصل لي ؟ لو حاولنا هايحصل حاجة ؟؟؟؟؟؟؟؟؟







Mohammad Sami‎

نقول تانى



اكش تانى مرة



نداء هام لاهلى جنزور الكرام الى كل من يهمة الامر



الى كل من يريد ان يرى بلدتة نظيفة ومتطورة



الى كل من يريد ان يعمل عمل محترم ومفيد



الى كل من يريد ان يبدا حياة جديدة



فكرة مبسطة لمشروعنا



تعالوا نطور بلدنا باختصار احنا عايزين نخلي بلدنا أحسن قرية في مصر عن طريق تكوين



رابطة من اهالى القرية الكرام يكون هدفها الأساسي تنمية وتطوير القرية وابناها



عن طريق :



1: إقامة مشاريع صغيرة لشباب وفتيات القرية مثل مشغل للفتيات وذلك
بالتعاون مع المجلس المحلي ليس لطلب المساعدة ولكن ليكون عملنا كلة قانونى
ولا يقابلنا عقبات فىالمشاريع وانا برشح ان يكون من ضمن الرابطة او الجمعية
التى سوف نكونها

فرد من افراد المجلس المحلى



2: البحث عن حلول عملية لمشاكل البلد < أنبوبة الغاز والزبالة في البلد>



3: إقامة مركزمتكامل لتعليم الكمبيوتر واللغات والمحاسبة وذلك للشباب
والفتيات يكون هدفه الأساسي إعداد الشباب والفتيات للالتحاق بسوق العمل
الخارجي أو الداخلي وتطوير المستوى الثقافي لأبناء وبنات القرية.



طبعا المشاريع والافكار كثيرة والى هايناقش المشاريع والافكار دى هيا الجمعية او الرابطة التى شوف نكونها اما بالنسبة للتمويل



فهناك جزئين الاول عمل خيرى وتطوعى ممكن بالمال او بالمجهود



مثلا لو كل اسرة عندها فرد او اثنين يعملون بالخارج لو تطوعوا بجزء بسييط

وهقلكم أزاى :

أعتبر نفسك كل يوم شربت حاجة ساقعة بريال ونصف وبكدا هنوفر حوالى90 درهم فى الشهر

أنت فعلا مش هتشرب حاجة ساقعة لاكن هتكون عملت خير كتيييييير وممكن
الفلوس دى تدخلها بكذا نية مثل: ( صدقة أو تبرع أو صدقة جارية أو زكاة عن
صحتك او زكاة عن مالك أو مساعدة الغير وخصوصا الفقراء وأصلا ممكن تنوى بكل
النيات دى ب 90 درهم.

ودايما خليك فاكر أن المال مال الله وإن ربنا هيزيدك ويباركلك.



اما العمل التطوعى الثانى فهو بالافراد يعن مثلا مشروع دورة الكمبيوتر
او اللغات فيوجد خرجين كتير بالبلد ممكن يساعدونا فى الموضوع دة واظن انة
مش هايحتاج كتير منش اكتر من قاعة وممكن تكون فى النادى او فى اى بيت على
حسب الافراد



و الجزء الثانى هو عمل استثمارى وهو اننا نكون شركة مكونة من اهل البلد
قيمة السهم بيها يكون مثلا 1000 جنية والى مش يقدر يدفع المبلع كلة ممكن
اتنين او تلاتة يشتركونا بسهم



ودا رأيى المتواضع.





طيب وهانبدا ازاى








‎Essaf Gabal‎

هههههههههه ال يالا نغير جنزور ال حوار فاشل من ابل ما يبدا صدقني عارف
ليه؟؟ لان لاتوجد خطه ولا يوجد ناس تشتغل بجد سيبك من كلام الفيس لانه
مدهون بزبدته يارب تفهم مع ان

شكلك لسه صغير ياعني في لسه في ثانوي عام









يلا نغير جنزور

اولا نبقى على اقتناع ان احنا بالفعل بداخلنا عيوب
كثيرة . وانها محتاجة الى تغيير ..هناك امثلة كثيرة مش هقدر اقول لحضرتك
انت عيوبك ايه بس هقدر اقول السلوك العام الخاطىء ايه كمثال الزبالة اللى
موجودة فى البلد .. اخلاق شباب القرية من الجنسين والكبار كمان ..
المواصلات واللى السواقين بيعملوه فى الركاب وصمت الركاب على معاملة
السواقين ليهم .. مشكلة الكهرباء ... التوكتوك ....جشع التجار



  • دى كلها مشاكل كتير تحتاج لتغيير ..وتختلف المشاكل فيه مشاكل توعية زى
    الزبالة والكهرباء .. فيه مشاكل اخلاقية زى سواقين البلد وزى اخلاق اهل
    البلد ..وفى مشكلة قلة الثقافة فى البلد زى انتخابات مجلس الشعب واللى
    بيحصل مننا فيها .... مشاكل التعليم ..... ده كلها رايى انا ...شوف بقى انا
    لما اقول رايى وانت تصححه وغيرك يضيف عليه وكلنا نتكلم ونتجمع حول هدف
    واحد ايه اللى هيحصل





  • ‎Mohammad Sami‎

    يعنى بدل ما تحبط غيرك ممكن تكون انت البداية

    قول ازاى تبقى منظمة
    قول فكرة ممكن نبدا بيها

    ...

    وانا عاوز اقول حاجة اللي بيعرض فكره ده بيقول انا بدات اهو كملو معايا
    المشوار خلونا نوصلها لافضل صوره ممكنه انا اقول راي وانت تضيف علية
    غيرك يعدلها وفي الاخر احنا كلنا نوصل لافضل عرض للفكره ولازم نراعى شى


  • أن ليس العمل التطوعى هو كل شىء بالنسبة لكل شخص ولكن يجب أن
    تضبط المعادلة فى كل إنسان وهى معادلة " حلقة الإستقرار " تكون متساوية
    الطرفين من حيث الأشياء المطلوبة من كل إنسان من ( مسئوليات وطلبات ) وبين
    طرفها الآخر وهو ( الأهداف والطموحات ) كدة ممكن تظبط
    معانا

  • ولا اية حابب بجد أشكر ( يلا نغير جنزور ) لانة حط الفكرة فى ارض
    الواقع وبدا وعاوزة مايفكرشى فى شى غير انة يكمل مع احترامى لاراء الاخرين
    ولا كن الامل موجود والله الموفق







اسلام عمر

تحديات اليوم تصنع الغد


دعوه الى شباب التحدى

ابناء جنزور




تحديات اليو م تصنع الغد


...

يبدو ان مجتمعنا المصرى يواجه تحديات كثيره اهمها عدم وجود فاعليه على ارض الواقع لمن مؤساسات او من سلطه او من احزاب .......




لما لان المجتمع به فئتان لاتدركان خطر التحديات فئه لاتفهم انها منيبه وهى
بنسبة تزيد عن 50%من المجتمع بسبب الاميه وفئه مستفيده من بقا...ء الحال
كما هو عليه


...

اما من بفهمون وليسو مستفدين فهم غير فاعلين وبائسون وهذه الطبقه الوسطى المثقفه




سوء السلوك الاجتماعى




وهى بسبب الابتعاد عن قواعد الدين وقواعد الاخلاق




نعم




وارد الله النصر لنا فأسقطنا مبارك ونظامه فى 18 يوم عندما اتحدنا وتجمعنا على هدف واحد




ولكن البناء يحتاج الى سنين




وعلينا نختصر السنوات وننجز فى سنوات ما انجزته دول اخرى مثل دول اسيا لقد
قطعو شوطا بعيدا فى التقدم الاقتصادى والاجتماعى انعكس على تقدمها السياسى
على طريق الديمو قراطيه






وقد وجهنا اهداف _ او فكره_ او مضمون الجروب للعمل فى محاربه الثالوث الهدام الفقر والجهل والمرض




ولونظرنا الى الدول المتقدمه تعمل تحت مؤساسات وجمعيات غير تابعه لسلطه الدوله وتقوم على تتطوير المجتمع






ان نعمل تحت عمل مؤسسه أو جمعيه أهليه وتعرفيها




وهو العمل على مضمون فكره والدفاع عنها ليس شخص ولا مجموعه انها تخضع للفكره والمضمون اى كان الاشخاص




وتكون جمعيه اهليه نعمل باسمها وتكون هى الشيء الفعلى والقناه الشرعيه للعمل من خلالها




ولعل التحدى الاكبر هو تنظيم انفسنا واتحادنا لكى تظهر قوتنا ومواجهة السلبيه التى تفرقنا وتمزقنا




وبدلا من عبارات تتبدد فى الهواء علينا ان نعمل فى كل موقع عمل ونستفيد من
كل الحضارات.... ونترجم هذه الاستفاده فى منتجات ثفافيه وزراعيه وصناعيه






(ان الله لايغير ما بقوم حتى يغيرو ما بأنفسهم)




صدق الله العظيم



وللحديث بقية



ويوجد جزء تانى للمشروع وهو افكار الشباب والى فعلاطبقنا منها شى على ارض الواقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ganzoor.yoo7.com
MǍĥmỗud Ǎyad
Admin
avatar


مُساهمةموضوع: رد: جميع مستندات يلا نغير جنزور   الجمعة سبتمبر 09, 2011 6:34 pm

مشروع نظافة القرية يوم الواقفة




‎Mohammad Sami‎

السلام عليكم



يا جماعة انا بقترح يوم الواقفة اننا نعمل حملة لنظافة البلد (الشارع الرئيسى )



وومكن نجيب حوالى 10 جردل ونطبع عليهم ورقة مكتوب فيها يالا نغير جنزور



حافظ على بلدك الصندوق دة بتاعك حافظ علية



احنا مش مجرد حملة احنا كل واحد بيفكر و عايز بلده تبقى احسن .. دا مش تطوع مننا



لأ دا فرض علينا ازاى نكون فى بلدنا و مش عارفين ننظفها ونخليها جنة


يلا معانا عشان بلدنا


دى امانة فى إيدينا و هانعمرها و هانطورها .. خليك ايجابى انت مش صغير بلدك محتاجة ليك


فى مشروع النظافه


وان نتحلى بصفات المسلمين


بإماطة الازى عن المسلمين ، وان نتكاتف جميعاً من أجل نظافة قريتنا


فالنظافة من الايمان





ودى مجرد فكرة وقابلة للتطوير والتعديل ارجوا سرعة المشاركة وعرض الافكار علشان نلحق



ننفذها





والى عاوز يشارك فى الحملة يدخل على المستندات يسجل اسمة

ونوع المشاركةسواء كانت

معدات (مكنسة _ جردل _جروف )....فلوس علشان نعمل بيها استيكرات
او نشترى معدات هايساعد مع الشباب فى النظافة وهايكون فية يوم العيد2 او 3
شباب بيلفوا فى البلد يشوفوا الجرادل المتعلقة نظامها اية والى يتملى
يتفضى فى كيس ويسيبة بجوار الجردل واخر النهار نلف بعربية ناخد الزبالة
الى فى الجرادل ونرميها حسب المكان الى هانختارة وبعدين الزبالة هايكون
معظمها اكياس شيبسى وحلويات زبالة الاطفال فى العيد مش هاتبقى اكتر من كدة
ان شاء الله ونعمل حوالى 2 جردل او 3 فى مدخل الجرن فى صلاة العيد



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ganzoor.yoo7.com
MǍĥmỗud Ǎyad
Admin
avatar


مُساهمةموضوع: رد: جميع مستندات يلا نغير جنزور   الجمعة سبتمبر 09, 2011 6:35 pm

اجتماع اول يوم العيد


بسم الله الرحمن الرحيم



اجتماع اول يوم عيد الفطر المبارك



كل سنه وانتم طيبين





رابط موضوع الاجتماع على المنتدى

http://ganzoor.yoo7.com/t11-topic#20



*********************************************



الــــــــــــــــحـــــــــــــاضــــــــــــــريـــــــــــــــــن

اسلام عمر

شريف عبده

حازم محمود

على ويكا

امين محمد شهاب الدين

محمد الطلى

السيد صابر

محمد سامى

محمود عياد



*********************************************



ملخص الاجتماع



اولا : ممنوع الكلام فيما سبق

*********************************************

ثانيا : ممنوع الكلام عن اى حزب او الدفاع عنه او الهجوم عليه

*********************************************

ثالثا : تعين مسئولين



1

مسئول عن الفيس مهمته : لتنظيم وليس الاداره ويكون له اتنين
مساعدين فى حاله عدم وجوده يتولو مسئوليه التنظيم ودوره متابعه الافكار
والتعليق عليها وبعد الاتفاق يعرضها على ( على المسئول ) على ارض الواقع




-----------------------------

2

تعين مسئول عن ارض الواقع ياخد القرارات من الفس المتفق عليها
الاعضاء وينفذها على ارض الواقع ويعرض الافكار والمشاكل الموجوده فى
الشوارع ويعرضها على مسئول الفيس




*********************************************



بالنسبه لاختيار المسئولين ؟؟؟

تم اختيار مسئول عن ارض الواقع مؤقتا لعمل تصويت من الاعضاء على المسئول

وهو حازم محمود



--------------



مسئول الفيس يتم اختياره بالتصويت من الاعضاء عن طريق الفيس
والى حابب يرشح نفسه يرشح : ولو مفيش حد رشح نفسه : وفيه حد شايف عضو ممكن
يتولى المسئوليه يرشحه وبالتصوريت داخل الفيس والمنتدى يتم اختياره وعن
طريقه يتم اختيار المساعدين




*******************************************************************



وبالنسبه لمكان المعرض ؟؟؟

سوف يتم الاتفاق غداَ على مكان المعرض





واى افكار سوف تطرح على المنتدى الرسمى لشباب جنزور لضمان وجودها دائماً التعليق عليها بصوره جميله ومنسقه

والمسئول عن المنتدى : تم اختاره وهو : محمود عياد



اما بالنسبه لافكارنا فى المستقبل سوف تطرح على الفيس وعلى المنتدى للمناقشه من الاعضاء والمناقشه على المنتدى




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ganzoor.yoo7.com
MǍĥmỗud Ǎyad
Admin
avatar


مُساهمةموضوع: رد: جميع مستندات يلا نغير جنزور   الجمعة سبتمبر 09, 2011 6:36 pm

الاعمال المستقبلية


السلام عليكم



بالنسبة لاعمالنا ان شاء الله الفترة القادمة وهى كالاتى





1:تم تحديد مكان المعرض الدائم لشباب يلا نغير جنزور وهو امام عياده دكتور مختار الشيخ



2: بالنسبة لدخول المدارس

ا الملابس : ويوجد عندنا ملابس ونفتح باب التبرعات مرة تانية



2:تسهيل الكراريس والاقلام للايتام وهى عبارة عناى حد عندة
كراريس قدمة يتبرع بيها واحنا هناخد منها الورق الفاضى ونحاول نجمعة كراسة
كاملة والتكلفة بسيطة والباقى الى ماينفعشى هانبعة ونجيب


بية كراريس جديدة واقلام



3: الكتب الدراسية نتبرع بيها ناخد منه الى نحتاجة والباقى
نبعة نفس نظام الكراريس وبالنسبة للكتب الخارية نلمها هيا كمان
ونسلمهاللايتام والمحتاجين




4: بالنسبة للدروس هانحتاج متطوعين تفرعة 4 ساعات فى الاسبوع
على اربعة اام ويدرسوا للمرحلة الابتدائية والاعدادية من هم مؤهلين لذلك




ودى بعض الافكار والرجاء من الجميع دعم هذة الافكار او خلق افكار جديدة فى اسرع وقت علشان نلحق نجذها قبل

الدراسة



المناقشة داخل المنتدى الرجاء الالتزام بالنظام



http://ganzoor.yoo7.com/t14-topic#24



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ganzoor.yoo7.com
MǍĥmỗud Ǎyad
Admin
avatar


مُساهمةموضوع: رد: جميع مستندات يلا نغير جنزور   الجمعة سبتمبر 09, 2011 6:36 pm

الاعما الذى سنقوم بها فى القترة الحاضرة




بسم الله الرحمن الرحيم

اتفقنا اليوم انا والاستاذ مصرى ابن البلد ومحمد ابراهيم الطلى و انس شهاب على الاتى

1_التنسيق فى فترح المقر اكثر وقت يوميا مننا احنا الشباب واى بنت عايزة
تشارك يا ريت تتواصل مع الاخت الطريق الصح لانهم ليهم سعتين يوميا هما الى
هيحددوها


2_الاعلان عن قبول التبرعات باكراريس المستعملة والكتب الخارجية القديمة والملابس فى اسرع وقت وتعليق يفتة على الطريق الريسى فى البلد امام المقر

3_الاستذان من الاستاذ مصطفى المتبرع بالمقر على تعليق بعض اليفت الخاصة
بقواعدنا واهدافنا فى المقر واستخدام بعض الترابيزات ومنها ترابيزة
المكوة

4_عمل اربع نسخ لمفاتيح المقر

5_بداء العمل الجاد من الشباب الى حين دخول المدارس والمشاركة على ارض الواقع

6_على حازم المسؤال على ارض الواقع اختيار 3مراجعين منهم واحد مالى

هذة بعض الامور الاساية التى سنبدا عليها باذن الله فى المرحلة القادمة ولو اى شاب عايز يضع فكرة او راى يا ريت يطرحها


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ganzoor.yoo7.com
MǍĥmỗud Ǎyad
Admin
avatar


مُساهمةموضوع: رد: جميع مستندات يلا نغير جنزور   الجمعة سبتمبر 09, 2011 6:37 pm

فكرة الاعلان الخاص بتعليقه عند ابواب مساجد القرية


ايدي في ايدك نبني بلدنا



نداء هام لاهالى جنزور الكرام

الى كل من يهمة الامر

الى كل من يريد ان يرى بلدتة نظيفة ومتطورة

الى كل من يريد ان يعمل عمل محترم ومفيد

الى كل من يريد ان يبدا حياة جديدة

فكرة مبسطة لمشروعنا

تعالوا نطور بلدنا باختصار احنا عايزين نخلي قريتنا أحسن قرية في مصر عن طريق تكوين رابطة او جمعية قانونية

يكون هدفها الأساسي هو تنمية وتطوير القرية

لذلك لدينا بعض المقترحات و المشاريع التي يمكن ان تغير شكل الحياة في القرية الي الافضل و التخلص

من بعض السلبيات الاخري و من هذه المشروعات

1- البحث عن حلول عملية لاكثر المشاكل التي تواجه ابناء القرية و هي مشكلة الزبالة و انبوبة الغاز و مشكلة العيش

2- اقامة مشاريع صغيرة لشباب و فتيات القرية مثل مشغل للفتيات بالتعاون مع الجهات القانونية

3- اقامة مركز متكامل لتعليم الكمبيوتر و اللغات و المحاسبة و التنمية
البشرية يكون هدفه الاساسي اعداد الشباب و الفتيات لسوق العمل الداخلي و
الخارجي و تطوير المستوي الثقافي لابناء القرية





و هذه كانت بعض الافكار التي نحاول جاهدين ان ننفذها لصالح
قريتنا فضلا عن قيامنا فعلا بتنفيذ بعض الافكار اللتي حققت نجاح كبير و
منها

1- مشروع الاطباق الساخنة في رمضان للمحتاجين

2- مشروع المعرض الخيري للملابس و الذي لاقي نجاح كبير سواء في التبرع او التوزيع



و نظرا لما لمسه رجال القرية المحترمين لنا من جهد فقد قام
أحد الرجال المحترمين بالتبرع لنا بمكان لديه يكون مقر دائم لنا فنرجو من
الجميع التعاون معنا لنكمل حلم تغيير القرية فلا نحتاج منك كل الوقت و لكن
لحظات بسيطة تشاركنا فيه سواء بالفكر او المجهود او اي وسيلة نستطيع من
خلالها ان نغير وجه الحياة بالكامل في القرية فلنقف جميعا يد واحدة لصالح
تغيير القرية و من يريد المساعدة او التبرع بملابس او مستلزمات مدرسية
لصالح المحتاجن فعليه التوجه للمقر الخاص بنا امام عيادة الدكتور مختار
الشيخ او الاتصال باحد ارقام التليفونات التالية
...........................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ganzoor.yoo7.com
MǍĥmỗud Ǎyad
Admin
avatar


مُساهمةموضوع: رد: جميع مستندات يلا نغير جنزور   الجمعة سبتمبر 09, 2011 6:38 pm

المشاركة الخاصة بعمل صندوق جمع التبرعات


ان هذه الوثيقة عبارة عن المناقشة الخاصة بالصناديق الخاصة بجمع
التبرعات من اهل البلد و التي سيتم وضعها عند المسجد الشرقي و المسجد
البحري باذن الرحمن و بما ان النقاش فيها يعتبر منتهي او تم الاتفاق علي كل
الاشياء الرئيسية فتم وضعها في وثيقة حتي تحفظ لنا في الارشيف




..





Abdulftah Moustafa Alshenawy

الاعضاء الكرام ده تصميم صندوق لجمع الملابس لو عجبكم سيتم التنسيق مع حازم وفي ناس عندي هيتبرعم بثمنه يا ريت تقولو رأيكم



Like · · Unsubscribe · Friday at 6:18am





  • سارة عبد الجليل, يلا نغير جنزور and 10 others like this.

  • 50 of 76







    • Mona Mohammed اعتقد انه حتى لو اتحطت فى المسجد مش هتبقى مشكلة لان الناس بتروح تصلى وهيقولوا لاهل بيوتهم وبكده ناس كتير هتعرف

      Yesterday at 12:28am · Like



    • Abdulftah Moustafa Alshenawy انا عارف بس المساجد في البلد كتير وكل
      مسجد له اهله المحدودين يعني الموضوع هيبقى بطيء في انتشاره يعني هو لو
      محطوط مثلا جوا الشرقي وانا بصلي في البحري هعرف ازاي الا عن طريق الصدفة

      Yesterday at 12:32am · Like



    • Mona Mohammed انا سمعت ان انتوا هتعملوا اتنين وبكده يبقى واحد فى الجامع البحرى وواحد فى الشرقى ونبقى مسكنا البلد من النص

      Yesterday at 12:34am · Like · 2 people



    • Abdulftah Moustafa Alshenawy وبعدين افرض واحده ست او بنت عايزه تحط ملابس هتخش ازاي

      Yesterday at 1:11am · Like · 1 person



    • يلا نغير جنزور تمام يا باشمهندس تسلم ايدك

      Yesterday at 4:52am via mobile · Like



    • Mahmoud Elgbaly ya gma3a abd elfta7 bytklm klam mntky w ana mtfk
      m3ah e7na bn3ml 7aga ngeeb mnha 5eer bshola msh ha n7otha gwa msgd w
      ytkfl 3leeha wleeh fkrtoo fi eno haysrk w elragl bykool 7deed w
      bkanaat wshklo haykoon 7darary wshl est5damo ,,,,, tslm edk yahndsa

      22 hours ago · Like



    • Abdulftah Moustafa Alshenawy متهيقلي كده كله موافق على بركة الله

      15 hours ago · Like



    • Rosaa Kalboza باذن الرحمن موافقين الفكرة حلوة و جديدة و طالما جديدة
      يبقي هاتلفت الانتباه ليها و دا المطلوب انها هاتعلن عن نفسها و بالتالي
      اعلان عننا * سؤال بس لحضرتك هو الدولاب دا ممكن يكون جاهز في خلال مدة اد
      ايه علي اقصي تقدير و جزاك الله كل خير علي الفكرة و المساعدة

      11 hours ago · Like



    • Abdulftah Moustafa Alshenawy اخت روز وجزاكم ....انا كنت اتفقت مع
      الادمن ان انا هصممو وفي وفي شخصين معايا هيتبرعو بثمنه وان في شخص
      هيتابع معايا من البلد ابعتله الرسم الهندسي موضح عليه التركيب والمواد
      المستخدمة للصندوق والفلوس وهو يتابع مع الحداد لاني للاسف مسافر بره مصر
      لكن بتقديري لو الشخص المكلف بالمتابعة نشيط مش هياخد اسبوع واحد على
      الاكثر

      11 hours ago · Like



    • Ali Wicca لو عايز شباب معاة وكة احنا موجدين

      11 hours ago · Like



    • Ali Wicca طب انتة ممكن نساعد الاخ المكلف فى المشروع دة

      11 hours ago · Like



    • Abdulftah Moustafa Alshenawy طبعا بس تقصد اساعده ازاي

      11 hours ago · Like



    • Ali Wicca يعنى فى نقل الحجات وتركيبة

      11 hours ago · Like



    • Ali Wicca او مع الحدادا

      11 hours ago · Like



    • Rosaa Kalboza تمام كده طيب ممكن بعد اذن حضرتك تتابع مع الادمن او
      الشخص اللي هايكون مكلف بمتابعة الموضوع بالشرح المفصل علشان يكون علي علم
      كامل بتفاصيل العمل لان اكيد حضرتك عارف الصنايعية لو مش لاقيين الواحد
      فاهم و بيناقش معاهم ممكن ميعملوش الشغل بالدقة المطلوبة

      11 hours ago · Like



    • Ali Wicca الحداد

      11 hours ago · Like



    • Abdulftah Moustafa Alshenawy انا بره مصر يا علي

      11 hours ago · Like



    • Rosaa Kalboza لا حضرتك هو يقصد ان الشباب هما اللي يساعدوا حضرتك و الشخص المكلف

      11 hours ago · Like



    • Ali Wicca احنا ممكن نساعد الشخص الى انتة مكلفة

      11 hours ago · Like



    • Ali Wicca اوك بس انتة بتقول انك مكلف شخص

      11 hours ago · Like



    • Abdulftah Moustafa Alshenawy روز طبعا خطوه بخطوه بس ترشحولي واحد فاهم في موضوع المقاسات والتركيب يستحسن

      11 hours ago · Like



    • Abdulftah Moustafa Alshenawy لا يا علي انتم اللي هترشحو الشخص

      11 hours ago · Like



    • Ali Wicca اولا انا كنت عايز اشكر والد سياتك على استضافة المعرض وبجد الحاج مصطفى من الناس المحتمة جدا فى جنزور

      11 hours ago · Like



    • Abdulftah Moustafa Alshenawy ده بس من ذوقك

      11 hours ago · Like



    • Abdulftah Moustafa Alshenawy دي متجيش حاجه جنب اللي بتعملوه

      11 hours ago · Like



    • Rosaa Kalboza الشباب هما ادري الناس بكدا بقي يعني اكيد حد فيهم ممكن
      يكون متمرس في فهم المواد المستخدمة اللي حضرتك هاتقوله عليها و دي حاجة
      ممكن الشباب يقعد مع بعضه و يختاروا شخص معرفته تؤهله لذلك بس الاكيد ان
      المبدا خلاص اتوافق عليه و بعد كده هانتكلم في التفاصيل و جزاك الله كل
      خير مرة تانية

      11 hours ago · Like



    • Ali Wicca الله يخليك عبد الفتاح

      11 hours ago · Like



    • Abdulftah Moustafa Alshenawy وعلى فكره لو استقريتم والموضوع مشي انا
      مستعد لتوضيب المكان بالكامل محاره ودهان بس برضه حد يتابع معايه

      11 hours ago · Like



    • Rosaa Kalboza هو ان شاء الله بمساعدة الناس ناويين نكمل و نستمر
      بمشيئة الرحمن لكن احنا فكرنا دلوقت في الانتشار و الناس كلها تعرف بينا
      علشان نقدر نحولها لجمعية قانونية بورق قانوني و يكون ليها جمعية عمومية و
      منها نقدر نعمل مشاريع بجد يعني محتاجين انتشر و تسجيل قانوني مبدايا
      علشان نقدر ننطلق و اكيد بدعم حضرتك و كل اللي زيك هانقدر نوصل لهدفنا
      باذن الرحمن

      11 hours ago · Like



    • يلا نغير جنزور سير على بركة الله يا باشمهندس _اللى ناقص موافقة ائمة المسجدين وانا معاكم بامجهود

      11 hours ago via mobile · Like



    • Rosaa Kalboza المسجد الشرقي متحملش همه اعتبر الموافقة موجودة هاكلم
      الناس المسئولين عنه و احتمال بكرة بالكتير تكون الموافقة عندك شوف انت
      بقي المسجد البحري دا لو استقريتوا فعلا انها هاتكون في المسجدين

      11 hours ago · Like



    • يلا نغير جنزور المسجد البحرى موافقته ممكن يجيبها الحاج مصطفى نظرا لعلاقته القوية مع الامام

      11 hours ago via mobile · Like



    • Rosaa Kalboza طيب تمام كدا اعتقد مفيش مشكلة من المكان يبقي لو سمحت
      يا ادمن تتابع مع الاستاذ عبد الفتاح الموضوع و التفاصيل الصغيرة و شوف مع
      الشباب مين ممكن يتابع الموضوع خطوة بخطوة و علي بركة الله نبدا التنفيذ

      11 hours ago · Like



    • يلا نغير جنزور يبقى بكلام روزا ينقى ان شاء موافقة المسجدين معانا

      11 hours ago via mobile · Like



    • Abdulftah Moustafa Alshenawy يا جماعة اي مسجد متحملوش هم الموافقه انتم استقرم وانا هجبلكم الموافقه كلهم حبايبنا

      11 hours ago · Like



    • Mona Mohammed خلاص كده تمام وربنا يسهل والموافقة تبقى معانا بكرة

      11 hours ago · Like



    • Rosaa Kalboza يعني تاكيد حضرتك انهم هايكونوا دولابين واحد عند المسجد
      الشرقي و اوحد عند المسجد البحري المسجد الشرقي انا و الانسة مني هناك
      علي حضاراتكوا الموافقة بكرة باذن الرحمن

      11 hours ago · Like



    • يلا نغير جنزور اللى يفهم فى شغل المعمار والمحارة اكتر عبدالله واسلام عمر _كلمهم يا على

      11 hours ago via mobile · Unlike · 2 people



    • Abdulftah Moustafa Alshenawy انت فين يا عم من الصبح

      11 hours ago · Like



    • Abdulftah Moustafa Alshenawy دولابين ان شاء الله بس هما مش دواليب دي صناديق

      11 hours ago · Like



    • Mona Mohammed مش هما نفس الرسم اللى فوق

      11 hours ago · Like



    • يلا نغير جنزور يبقى اتفقنا جميعا

      11 hours ago via mobile · Like



    • Abdulftah Moustafa Alshenawy منى ايوه نفس الرسم اللي فوق قوائم حديد بنها شبك ومن الداخل مشمع

      11 hours ago · Like



    • Abdulftah Moustafa Alshenawy اتفقنا

      11 hours ago · Like



    • Mona Mohammed خلاص تمام

      11 hours ago · Like



    • يلا نغير جنزور والله يا باشمهندس فى المعرض طول النهار واللاب توب اتحرق_وقاعد نت موبايل

      11 hours ago via mobile · Like



    • Rosaa Kalboza تمام معلش لو غلطنا في المسمي يبقي كدا اعتقد كل حاجة
      تمام لو سمحت يا ادمن الكومنت دا كله حضرتك تعمله وثيقة علشان تكون عندنا
      في الارشيف و تقريبا الحوار فيها منتهي

      11 hours ago · Like



    • Abdulftah Moustafa Alshenawy روز ولا يهمك انا بس خايف لتفتكروه دولاب بجد

      11 hours ago · Like



    • Abdulftah Moustafa Alshenawy ادمن ولا يهمك اختار بقى واحد من التلاته

      11 hours ago · Like



    • Elsayed Esmail اتحرق فيه ايه هاته

      10 hours ago · Like
    </li>

  • Write a comment..










      • يلا نغير جنزور موافقة المسجد البحرى وصلت يا جماعة

        Yesterday at 1:37pm · Like



      • يلا نغير جنزور يلا يا بنات فى انتظار موافقة المسجد الشرقى

        Yesterday at 2:16pm · Like



      • Ali Wicca الحمد لله ربنا بسهلها معانا نحمد الله على النعمة الى احنا فيها

        Yesterday at 2:30pm · Like



      • Abdulftah Moustafa Alshenawy انا يا جماعة خلصت الرسم التفصيلي جبتلي الشخص ولا لسه يا حازم؟

        Yesterday at 9:04pm · Like



      • يلا نغير جنزور الصنايعى موجود لكن المهندس لحد دلوقتى لسه مفيش ولا واحد منهم بيرد عليا

        Yesterday at 10:33pm · Like



      • Abdulftah Moustafa Alshenawy طيب ابعتلي ايميلك عشان ابعتلك الفايل تطبعه وتوريه للحداد يقدر التكلفه

        Yesterday at 11:05pm · Like · 1 person



      • مصري ابن البلد احنا ممكن نجيب الحديد قديم وندهنه وده يوفر مبلغ كبير

        Yesterday at 11:07pm · Like



      • Abdulftah Moustafa Alshenawy بس هتجيبه قديم منين بنفس المواصفات

        Yesterday at 11:08pm · Like



      • مصري ابن البلد الموتسكلات الصيني بتيجي في صندوق من الكرتون بيبقى فيها
        حديد بس ضعيف بينفع في الدولاب وانا هاحاول ادور علية واجيبه

        Yesterday at 11:11pm · Like



      • Abdulftah Moustafa Alshenawy ازيك يا سيد اخبارك ايه

        Yesterday at 11:13pm · Like



      • Abdulftah Moustafa Alshenawy بس مينفعش يا سيد متقلقش من موضوع التكلفة
        انا اعرف ناس هما اللي هيدفعو حقه من غير ما نعمل عبء على المجموعة

        Yesterday at 11:14pm · Like · 1 person



      • مصري ابن البلد ربنا يجعله في ميزان حسناتهم

        Yesterday at 11:15pm · Like



      • Abdulftah Moustafa Alshenawy ان شاء الله

        Yesterday at 11:16pm · Like



      • محمد عبد الحميد ع البركة

        Yesterday at 11:16pm · Like
      </li>



    • Write a comment...
    </li>


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ganzoor.yoo7.com
MǍĥmỗud Ǎyad
Admin
avatar


مُساهمةموضوع: الرجاء من الجميع الدخول والتعليق    الجمعة سبتمبر 09, 2011 6:39 pm

الرجاء من الجميع الدخول والتعليق


تم انشاء هذة المجموعة خصيصا لجمع شمل اهالى جنزور الكرام بفائتها المختلفة



شباب من الجنسين وشيوخ ومقيمين ومغتربين (اميين ومتعلمين ) ومثقفين .........



وطرح اراء الاهالى فى تطوير القرية على جميع المستويات



وعية نرجو من جميع الاعضاء الكرام الالتزام بالاخلاق الاسلامية السمحاء حتى يتمكن الجميع من الاستفادة .



السياسة العامة للمجموعة :-



على الجروب وعلى المنتدى



http://ganzoor.yoo7.com/



http://www.facebook.com/groups/changejanzou/





المخالفات الجسيمة والتى يعاقب عليها مرتكبها بالمنع من المشاركة كالتالى :-



1. كل مايخالف شرع الله



2. السب والقذف



3. الرد على المسئ بإساءة وان استحقها



4. المزايدات والتصعيد



5. المشاحنات الشخصية



6. عدم الالتزام باداب الحوار فى المناقشات الجماعية



7. التعرض لولاة الامر



وعلى من يجد مما سبق تقديم النصيحة إن شاء الله وابلاغ الادمن على المجموعة عن المشاركة التى وجدت بها المخالفة

فقط ومن لا يلتزم بما سبق ذكرة سوف يتم منعة من المشاركة فى المجموعة



شروط المشاركة المقبولة



العنوان الجيد إذ لابد ان يكون مختصرا وواضحا ومتوافقا مع المضمون بغرض الفائدة



مضمون المشاركة واهدافها وهى تختص اما فى طرح الفكرة او اسلوب البحث ذو المطلب المفيد المختصر



لا تحمل السلبية او الاساءة والمقصود بها هنا عدم قبول السلبية على مستوى اى شى



عدم تكرار المشاركات واذا حصل هذا بالخطا على منشا المشاركة الغاء التكرار لمدة يوم وان لم يحذفها سيقوم الادمن بعملة وحذفها



ومن لا يلتزم بما سبق ذكرة سوف تحذف مشاركتة دون الحاجة لابداء الاسباب



هذة الشروط ليست نهائية وللاعضاء الحق بالتعديل أو الاضافة بما تراة مناسبا للمصلحة العامة للقرية


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ganzoor.yoo7.com
محمد سامى
شباب جنزور
شباب جنزور
avatar


مُساهمةموضوع: رد: جميع مستندات يلا نغير جنزور   الجمعة سبتمبر 09, 2011 8:12 pm

تسلم يا محمود الف الف شكر

ياشباب دى هنا محفوظة علشان لو حصل اى حاجة فى الفيس
وياريت اى واحد يلاقى فى مشاركة هامة ينزلها هنا علشان تبقى محفوظة لينا نرجع لها فى اى وقت


الحرية لا يمكن أن تعطى على جرعات...... ...... ...... ...... ........فالمرء إما أن يكون حراً..أو .. لا يكون..!
نيلسون مانديلا

(ليست الأهداف ضرورية لتحفيزنا فحسب،.................... بل هي أساسية فعلاً لبقائنا على قيد الحياة )
(روبرت شولر)..


(الهروب هو السبب الوحيد في الفشل،........................ لذا فإنك تفشل طالما لم تتوقف عن المحاولة)


إن الـسـعــــادة تـكـمـــــن فـي مـتـعـــــــــــه الإنــجـــــــــاز ونـشـــــــــوه الـمـجـهـــود الـــمــبـــــدع
(روزفلت)..



. الــحــيـــــــــاة إمــــــــــــــا أن تــكــــــــــــون مــغــــــــامـــرة جــريـــئـــــــــة... أو لا شــــــــــــــيء
(هيلين كيلر)..


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جميع مستندات يلا نغير جنزور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب يلا نغير جنزور  :: اخبار شباب جنزور :: اخبار شباب جنزور-
انتقل الى: