دعوة الي ايقاظ العقل (المناقشة الايجابية )

شباب جنزور

بسم الله الرحمن الرحيم

دعوه الي المناقشه الايجابيه
دعوة الي ايقاظ العقل

انا الموضوع ده كنت ناوي اتكلم فيه لاسباب
من اهمها الردود اللي بشوفها علي المواضيع بلاش المواضيع لان اي رد في المواضيع العامه ممكن يمشي عادي

لكن الرد علي الافكارده لازم يكون رد ايجابي
مش مجرد تعبير بالاعجاب والرد لغرض الرد بس

ياجماعه يا شبابنا يا بناتنا
لازم نتعود ازاي نتناقش وازاي نعرض رد منظم لاي فكره
وازاي نحاول نطور الفكره دي او نعمل فيها اضافه يحولها لشئ مفيد

انا هقولكم شئ

في بعض الاوقات ممكن العقل بيكون متاكسد كد وكمان مش عنده معلومات كافيه عن الفكره
هنا ممكن نقول والله فكره جميله واسكت
لكن مش لازم تكون ردودنا دايما كده ممكن مره اتنين لكن اكتر من كده لا

مع ان الاصح اني استني اما عقلي يروق تاني يوم وكده وابدا ارد رد ايجابي مفيد

او ابدا شغل بجد بقي واجمع معلومات عن الموضوع واحاول اضيف جديد واحاول احاور واناقش مناقشه مهذبه مفيده

يا جماعه اللي بيعرض فكره ده بيقول انا بدات اهو كملو معايا المشوار خلونا نوصلها لافضل صوره ممكنه

انت تقول رايك وانتي تضيفي عليها وانا اعدلها
وفي الاخر
احنا كلنا نوصل لافضل عرض للفكره

طيب يبقي كده اتفقنا اننا هنكون ايجابين في ردودنا
يعني مش هنرد وبس
لا هنرد رد يعبر عن شخصيتي وعن تفكيري
خلاص يعني موافقه بالاجماع

يامسهل يارب

طيب جميل كده الحمد لله

نيجي بقي للنقطه التانيه
كيف تكونـ مناقشاً جيداً

خلاص بقي احنا اتفقنا اننا هناقش بعض ونستفيد من افكار بعض ونكمل عليها

طيب ازاي يكون النقاش بتاعنا راقي ومهذب مش خناقه وعلي صوتك ولا خدوهم بالصوت ليغلبوك والكلام ده

هنشوف في السطور اللي جايه اللي هي منقوله
كيف تكون مناقش جيدا
(الكلمة دى عائده علينا جميعا )

قد يكون حسن النقاش والمحاورة ..
موهبة وفن عندالبعض ..
ولكن بالإمكان إكتسابه ..
من خلال إحتكاكك مع الأقلام المتحاورة ..
(فمرة تلو مرة ,, ستقارع عمالقة الحوار ) ..
وتصبح منمجيدين هذا الفن ..

و بســـــــــــم الله أبدأ ..

1- قبل أن تبدأ في المناقشة .. (سم الله ) وتوكل عليه وأدعه أن يوفقك إلى الخير .

2-أقرأ القضية جيداً قبل المناقشة وإذا لم تستوعبها أقرأها مراراً وتكراراً , حتى تستطيع أن تبدي رأيك فيها .

3- حاول أن تكتب رأيك قبل أن تقرأ ردود المناقشين للموضوع حتى لا تتأثر بأرائهم .

4- حاول التسلسل والتدرج في طرح الفكرة ، و لاتعيد طرح الفكرة أكثر من مرة تعدد الأساليب والفكرة واحدة .

5- حاول بقدر المستطاع بأن لا يكون رأيك متأثربأحد الأمور الخارجة عن صلب الموضوع ..
(كشخصية الكاتب - أو طريقة كتابته وعرضه - أو لون أو خط أو غير ذلك ).

6- ليس بالضرورة أن تكون كل كلماتك منمقه بأسلوب أدبي محنك , ولكن من المهم أن تكون كلماتك مفهومه للقرأ ..
(وهناك البعض قد تصلك أفكاره وطرحه الشيق بسلاسة وقوه في نفس الوقت على الرغم من أنه أستخدم لهجته العمية في المناقشة ) .

7- رائع أن تستشهد خلال مناقشتك بآيات الله الحكيمة أو من سنة المصطفى عليه أفضل الصلاة والسلام ..
( ومهم جداً أن تتأكد من صحة المصدر و ياحبذا لو تكتب رقم الأية والسورة ؛ أو الراوي و أسم الكتاب الذي يضم الحديث ) ..
أو من واقع الحياة بقصص أو تجارب .

8- بعض المناقشات تتطلب منك في نهايتها أن تستخلص رأيك بكلمات قليلة تعبر فيها عن وجهة نظرك .

9- إنكانت القضية تتطلب حلول , أطرح حلول من واقع مجرب أو حتى لو كانت من خيالك ترى من الممكن تحقيقها .

10- البعد كل البعد عن تجاوز الأدب وانعدام الإحترام بينك وبين المتحاورين مهما كانت الظروف أو الأسباب ..
(وإلا فالصمت خير لك لكيلا تندم على كلمات قد قلتها لحظة غضب ) .

11- إذا وجدت من له وجهة نظر تخالف وجهة نظرك ويحاول أن يستفزك أو يثير المشاكل ..
حاول أن تفهمه بأسلوب هادئ (حتىولو كنت تشتاط غيضاً ) ..
أننا لسنا في ساحة معركة وهذه مجرد قضية طرحت للحوار ..
وليس من الضروري بأن ينتهي الحوار بإقناع أحد الأطراف بالرأي الأخر و يبقىلكل أنسان قناعاته وأرائه .

12- لاتنقص من قدر نفسك لأنك ترى أغلب المناقشين يعارضون رأيك ؛ إن كنت مقتنع بهذا الرأي فالناس ليسوا طبقة واحده في التفكيرويختلفون في أمور شتى , فالذي يعجب شخص قد لايعجب الآخر .

13- إذا ناقشت في قضية فمن المهم أن تعود لتقرأ الردود التي ستكتب بعدك .. فلربما عقب أحدهم على نقطة قد أثرتها خلال طرحك ليحصل التفاعل بين الأراء المتناقشه .

واخيرا وليس اخرا
يا شباب وبنات جنزور
مستني اشوف ردكم علي الموضوع
بس لو حد قالي جميل وسكت هقوله ؟؟؟؟؟؟؟؟؟ الله يسامحك واقرا موضوعي تاني

وربنا يهدينا جميعا ويوفقنا لما فيه الخير

والسلام عليكم ورحمه الله وبركاته
_________________

عضو فعال

[b]
السلام عليكم و رحمة الله و بركاته
[color=green]
عند حضرتك حق فعلا احنا احيانا او كتير مش احيانا بس بنستخدم سياسة الصوت العالي
ركزوا معايا كده في اخر مشكلة هتلاقي انها مكنتش مشكلة كل الاعضاء و لكن اغلب الاعضاء الكرام اللي ليه في الموضوع و اللي مالوش اتدخل فيها و زود المشكلة طيب ليه بتقول رايك في حاجة مكنش ينفع تتكلم فيها اصلا و اجي دلوقت و احنا بنناقش امور عدة و حيوية ادور علي حد يناقشنا مفيش احنا 3 او 4 فقط اللي بنتكلم و بنتحاور علشان نحاول جاهدين اننا نوصل لافضل الافكار و الحلول طيب فين اللي كان صوتهم اد كدا يوم المشكلة مش لاقيه منهم حد

حاجة كمان عاوزة اضيفها من واقع عملي ان الدراسات اثبتت ان الرسالة الواحدة تعني 6 رسالئل مختلفة ضمنية و نركز شوية في ضمنية يعني غير ظاهرة هاقول الست رسايل و بعدها نحاول نفكر و هاثبتلكم ان دا حصل اليومين اللي فاتوا

1- ما تعني قوله
2- ما تقوله فعلا
3- ما يسمعه الشخص الاخر
4- ما يعتقد الشخص الاخر انه سمعه
5- ما يقوله الشخص الاخر
6- ما تعتقد ان الشخص الاخر يقوله[/color]

ازاي
نركز مع بعض كده دا لو حد فعلا دخل و قرا
خلال اليومين اللي فاتوا واحدة من الاعضاء مكنش عاجبها وضع المجموعة و اللي بيحصل فيها
1- قررت انها تكتب و تعبر عن سخطها عن الوضع و ليس الاشخاص ركزوا هيا كانت بتتكلم عن الوضع بصفة عامة مش شخص
2- اتكلمت
3- كلنا قرينا الكلام زي بعض بنفس الحروف لكن الادراك الخاص بعقلنا كلنا كان مختلف علشان كدا النقطة الرابعة مترتبة علي كدا
4- و قالت وجهة نظرها باسلوب البعض اعتبره حاد و الاخر اعتبره معبر عن الوضع الحالي فعلا و حصل لبس في الكلام جامد و ناس كتير زعلت مع ان هيا مكنتش تقصد اي اهانة لاي شخص من اي نوع و لكن زي ما بقول هو الادراك اللي مختلف
5- بعض الاشخاص قاموا بارسال رسائل لها
6- و كانت رسائل عتاب او رد الجميل ليها يعني بالبلدي كدا طالما انتي اسلوبك ***** احنا كمان نقدر نقول كدا

و بكدا شوفنا الرسالة ممكن توصل ازاي علشان كده بقول و بكمل علي كلام الاخ محمد قبل ما تتكلم شوف الكلمة لو حد بيقولها ليك او لاقرب الناس ليك هاتزعله و لا لا او حط نفسك مكان الشخص الاخر
و اخيرا نركز علي مقولة " خاطبوا الناس قدر عقولهم " يعني متطلبش من حد انه يطلع لمستواك لا انزل انت لمستوي اللي قدامك و فهمه قصدك بالظبط مش تسيبه يفهم براحته و يحصل خلاف [/b][i]

» تعلمت أن العقل كا لحقل